ފާއިތުވި 24 ގަޑިއިރުގެ ތެރޭގައި މެދުއިރުމަތީގެ ސިޔާސީ އަދި އަސްކަރީ މަޝްރަހު ވަނީ އިންތިހާއަށް ގޯސްވެފައެވެ. އީރާނާއި އެމެރިކާ އަދި އިސްރާއީލާ ދެމެދު ހިނގަމުންދާ ކުރިމަތިލުންތައް އިތުރަށް ފުޅާވެ، އާންމުންގެ ފުރާނައަށާއި މުހިންމު އުމްރާނީ ވަސީލަތްތަކަށް ބޮޑެތި ގެއްލުންތަކެއް ލިބެމުންދާކަން ރިޕޯޓުތަކުން ކަށަވަރުވެއެވެ. އީރާނުގެ އެކި ހިސާބުތަކަށް އަމާޒުކޮށް ދެމުންދާ ހަމަލާތަކުގެ ބަދަލުގައި، އީރާނުން ވެސް ވަނީ އެމެރިކާ އާއި އިސްރާއީލުގެ ޔުނިވާސިޓީތަކަށް އިންޒާރުދީފައެވެ.
މީގެ އިތުރުން، ޔަމަނުގެ ހޫޘީން އިސްރާއީލާ ދެކޮޅަށް ފަށާފައިވާ މިސައިލް އަދި ޑްރޯން ހަމަލާތަކުގެ ސަބަބުން ހަނގުރާމަ އިތުރު ސަރަހައްދުތަކަށް ފެތުރެމުންދާކަން ފާހަގަކުރެވެއެވެ. މި ހަމަލާތައް ހުއްޓާނުލާ ކުރިއަށް ގެންދާނެ ކަމަށް އެ ޖަމާއަތުން އިއުލާނުކޮށްފައިވާއިރު، ބައިނަލްއަގުވާމީ މައިދާނުގައި މި ހަނގުރާމައާ ދެކޮޅަށް ކުރެވޭ މުޒާހަރާތައް ވެސް ވަނީ އިތުރުވެފައެވެ.
- ބޫޝެހްރު ޕްރޮވިންސްގައި އާއިލާއެއްގެ 4 މީހަކު މަރުވުމާއި ހޫޒެސްތާންގައި ފެން އުފައްދާ މަރުކަޒަކަށް ހަމަލާދިނުން.
- އިސްރާއީލާއި އެމެރިކާގެ ޔުނިވާސިޓީތަކަށް އީރާނުން ބަދަލުހިފުމުގެ އިންޒާރު ދިނުން.
- ޔަމަނުގެ ހޫޘީން އިސްރާއީލަށް އަމާޒުކޮށް މިސައިލާއި ޑްރޯން ބޭނުންކޮށްގެން ދެވަނަ ފަހަރަށް ހަމަލާދިނުން.
- ބަހްރޭން އަދި އެމިރޭޓްސްގެ އެލުމިނިއަމް ކުންފުނިތަކަށް ލިބުނު ގެއްލުންތަކާއި ލުބުނާނުގައި ނޫސްވެރިން މަރުވުމާ ގުޅިގެން ހިނގި މުޒާހަރާތައް.
އެމެރިކާ އާއި އިސްރާއީލުން އީރާނަށް ދެމުންދާ ހަމަލާތައް ކުރިއަށް ގެންދާއިރު، ބޫޝެހްރު ޕްރޮވިންސްގެ އެއް އާއިލާއަކަށް ނިސްބަތްވާ ހަތަރު މީހުން މަރާލައި، ހޫޒެސްތާން ޕްރޮވިންސްގެ ފެން އުފައްދާ މަރުކަޒަކަށް ވަނީ ހަމަލާދީފައި.
މެދުއިރުމަތީގައި ހުރި އިސްރާއީލާއި އެމެރިކާގެ ޔުނިވާސިޓީތަކަށް ބަދަލުހިފުމުގެ ހަމަލާތަކެއް ދޭނެ ކަމުގެ އިންޒާރު އީރާނުން ވަނީ ދީފައި.
ޔަމަނުގެ ހޫޘީން ވަނީ އިސްރާއީލަށް އަމާޒުކޮށް މިސައިލާއި ޑްރޯން ބޭނުންކޮށްގެން ދެވަނަ ހަމަލާއެއް ދީފައި. އަދި އިސްރާއީލުން ދެމުންދާ ހަމަލާތަކާއި "އުދުވާނުތައް ހުއްޓާލަންދެން" މި ހަމަލާތައް ކުރިއަށް ގެންދާނެ ކަމަށް އެ ޖަމާއަތުން ވަނީ ވައުދުވެފައި.
އީރާނާ ދެކޮޅަށް ކުރާ ހަނގުރާމައާ ދެކޮޅަށް ތަލްއަބީބާއި އެމެރިކާގެ އެކި ސިޓީތަކުގައި މުޒާހަރާކުރަމުންދާއިރު، އިސްރާއީލުން ދިން ހަމަލާއެއްގައި ތިން ނޫސްވެރިން މަރާލުމާ ގުޅިގެން ލުބުނާނުގެ ބެއިރޫތުގެ މަގުތަކަށް ވެސް ގިނަ ބަޔަކު ވަނީ ނުކުމެފައި.
އީރާނުން ދިން ބަދަލުހިފުމުގެ ހަމަލާތަކުގެ ސަބަބުން އިސްރާއީލާއި ގަލްފު ސަރަހައްދުގެ ބައެއް ތަންތަނަށް ގެއްލުންވެ މީހުންނަށް ވަނީ އަނިޔާވެފައި. މީގެ ތެރޭގައި އަލްމިނިއަމް ބަހްރޭނާއި އެމިރޭޓްސް ގްލޯބަލް އަލްމިނިއަމްގެ މަރުކަޒުތަކަށް ހަމަލާދީފައިވާ ކަމަށް އެ ކުންފުނިތަކުން ވަނީ ރިޕޯޓުކޮށްފައި.
