ފ. ނިލަންދޫގައި ގާއިމުކުރާ މަސް ބަންދުކުރާ ފެކްޓްރީއަށް ބޭނުންވާ ބިން ހިއްކުމުގެ އަމަލީ މަސައްކަތް އިއްޔެ ފަށައިފިއެވެ.
މިނިސްޓްރީން ވަނީ ނިލަންދޫގައި ގާއިމުކުރާ މަސް ބަންދުކުރާ ކާރުޚާނާއަށް ބޭނުންވާ ބިން ހިއްކުމާއި ބަނދަރު ހެދުމުގެ މަޝްރޫޢުގެ ޢަމަލީ މަސައްކަތް މިހާރު ފަށާފައިވާ ކަމަށް ބުނެފައެވެ. އަދި، މި މަޝްރޫގެ ދަށުން ގާއިމުކުރާ ކާރުޚާނާގައި ދުވާލަކު 50 ޓަނުގެ މަސް ދަޅު ބަންދުކުރެވޭނެެ ކަމަށް މިނިސްޓްރީން ވަނީ ބުނެފައެވެ.
މިނިސްޓްރީން ވަނީ މި މަޝްރޫޢުގެ ދަށުން 1،500 މެޓްރިކް ޓަނުގެ ކޯލްޑް ސްޓޯރޭޖެއް ވެސް އެޅުމަށް ނިންމާފައިވާ ކަމަށް ބުނެފައެވެ.
ފާހަގަކޮށްލޭވޭ ގޮތުގައި، ފިޝަރީޒް މިނިސްޓަރު އަޙުމަދު ޝިޔާމް ވަނީ ރާއްޖޭގެ މަސް ބަންދުކުރުމުގެ ސިނާއަތަށް އިންވެސްޓްމެންޓު ހޯދުމަށް ޗައިނާގެ ސަފީރާއި މީގެ ކުރިން މަޝްވަރާ ކުރައްވާފައެވެ.
އަދި، ރާއްޖޭގައި މަސް ޕްރޮސެސްކުރުމަށް ހުރި ގޮންޖެހުންތައް ހައްލުކުރުމަށްޓަކައި، ތިން ސަރަހައްދެއްގައި މަސް ޕްރޮސެސްކުރާ ފެކްޓްރީތައް އެޅުމުގެ މަސައްކަތް މި ސަރުކާރުން ވަނީ ޗައިނާގެ ކުންފުންޏެއް ކަމަށްވާ ޑޮންފަންގް އިލެކްޓްރިކް އިންޓަނޭޝަނަލް ކޯޕަރޭޝަނާ ހަވާލުކޮށްފައެވެ.
އެ ގޮތުން، ފުރަތަމަ ޅ. ފެލިވަރާއި ދ. މާދެލީގެ އިތުރުން ގދ. ފިޔޯރީގައި މަސްފެކްޓްރީ އެޅުމަށް ނިންމި ނަމަވެސް މާދެލީގައި އަޅަން ނިންމި މަސް ފެކްޓްރީ ފ. ނިލަންދޫގައި އަޅަން ފަހުން ވަނީ ނިންމައިފައެވެ.